🌜खंडग्रास-ग्रस्तोदित ग्रहण🌛

🌜खंडग्रास-ग्रस्तोदित ग्रहण🌛
☀चैत्र शु॥ पौर्णिमा,शनिवार दि. ४ एप्रिल २०१५ रोजी होणाऱ्या  चंद्रग्रहणाचा स्पर्श दु. ३:४५मि.होत असून मोक्ष संध्या. ७:१४ मि. होत आहे. या ग्रहणाचा पर्वकाल ३ तास २९ मि. असला तरी भारतात हे ग्रहण खंडग्रास ग्रस्तोदित दिसणार असल्याने आपल्या गावाच्या स्थानिक चंद्रोदयापासून मोक्षकालापर्यंत(सायं७.१४ पर्यंत) ग्रहण पर्वकाल पाळावा.
☀ग्रहणाचे वेध:- या ग्रहणाचे वेध शनिवार दि.४ एप्रिल रोजी सूर्योदयापासून सुरू होतात. लहान मुले, अशक्त, आजारी, वृध्द व गर्भवती स्त्रियांनी दु. ३:४० पासून वेध पाळावेत.
☀वेधातील नियम:- भोजन करू नये, ग्रहण स्पर्श ते मोक्ष काळात मल-मूत्र विसर्जन, भोजन, जलपान, अभ्यंगस्नान, झोप व संभोग ही कामे करू नयेत. ग्रहण स्पर्श होताच स्नान करावे, चंद्रग्रहणी गोदावरी स्नान महापुण्यकारक होय, तसेच ग्रहण मोक्ष झाल्यावर स्नान करावे. ग्रहणकाळात स्नान, दान, जप, होम, तर्पण, श्राध्द, मंत्रपुरश्चरण इ. कामे करावी. ग्रहणात वृध्दि किंवा सूतक यांचा दोष नाहि, म्हणजे जप,होम,दान आदि केले तरी चालेल. ग्रहणाचे पूर्वीच पाणी इ. वर तीळ,दर्भ किंवा तुळस टाकून ठेवावे म्हणजे ते पुन्हा घेण्यास दोष नाही.
☀ग्रहणाचे राशीपरत्वे फल:- मेष-सौख्य, वृषभ-चिंता,मिथुन-व्यथा,कर्क-धनप्राप्ती,सिंह-हानी,कन्या-घात,तुळ-हानी,वृश्चिक-लाभ,धनु-सुख,मकर-अपमान,कुंभ-तीव्रकष्ट,मीन-स्त्रीपीडा.
☀ ग्रहण आपल्या जन्मराशीस अनिष्ट असल्यास परिहार--ज्या लोकांच्या जन्मराशीस अगर जन्मनक्षत्रावर ग्रहण असेल त्यांनी चांदिचे चंद्रबिंब व सोन्याचा नाग करून गाईच्या तूपाने भरलेल्या काशाच्या पात्रात ठेऊन दक्षिणेसहित सत्पात्री ब्राह्मणास दान द्यावे. दान देताना पुढिल संकल्प करावा.
☀मम जन्मराशि जन्मनक्षत्र स्थित चंद्रग्रहण सूचित सर्वानिष्ट प्रशान्ति पूर्वकम् एकादशस्थानस्थित ग्रहणसूचित शुभफल अवाप्तये बिम्बदानं करिष्ये॥
☀कुळधर्मासाठी पौर्णिमा-- "कुलधर्मादौ त्रिमुहूर्त सायाण्हव्याप्ता ग्राह्या" या वचनानुसार, पौर्णिमेचा कुळधर्म हा शुक्रवार दि. ३ एप्रिल २०१५ या दिवशी करावा. कुळधर्म ४ एप्रिल यादिवशी करू नये.
☀हनुमान जयंती--हनुमान जयंती व हनुमान जन्म हा शनिवार दि.४ एप्रिल या दिवशी आपल्या गावाच्या स्थानिक सूर्योदयाच्या वेळेस साजरा करावा. चंद्रग्रहण असले तरी हनुमान जन्म(पूजा) करता येते परंतु ग्रहणाचे वेध शनिवारी सूर्योदयापासून असल्यामुळे तीर्थ-प्रसाद भक्षण करता येणार नाही. नैवेद्य वगैरे ग्रहण मोक्ष झाल्यानंतर करावा.